دۆناڵد ترەمپ سەرۆكی ئەمەریكا رای گەیاند، ئەمشەو سوپای ئەمەریكا بە توندی لە ئێران دەدات و دووپاتیشی دەكاتەوە بەم نزیكانە وڵاتەكەی دەست بەسەر بازاڕی نەوت و گازی ئێران دەگرێت.
ئەمڕۆ پێنجشەم 11 ی حوزەیران دۆناڵد ترەمپ پەیامێكی توندی سەبارەت بە ئێران بڵاوكردەوە و لە پەیامەكەی هاتووە ئەمشەو بە توندی هێرش دەكەنە سەر ئێران.
هەروەها لە بەشێكی تری قسەكانی دەڵێ، "بەم نزیكانە بە تەواوی دەست بەسەر بازاڕی نەوت و گازی ئێران دادەگرێت".
سەرۆكی ئەمەریكا پەیامەكەی لە ترووس سۆشیاڵ بڵاوكردووەتەوە و دەڵێ، "بەم نزیكانە دەست بەسەر دوورگەی خارك دەگرین و چەندان پێگەی تری ژێرخانی نەوتی ئێران دەگرین، بە تەواوی كۆنتڕۆڵی بازاڕی نەوت و گازی ئێران دەكەین، وەك ئەوەی لەگەڵ ڤەنزوێلا كردمان، ئەمەیش ئەنجامی سەرنجڕاكێشی بۆ هەر یەكە لە ڤەنزوێلا و ئەمەریكا دەبێت".