بە مەبەستی گفتوگۆكردن لەبارەی سیاسەتی گومرگیی عێراق و هەرێمی كوردستان و هەمواركردنەوەی یاسای دەروازە سنوورییەكان، ئێوارەی ئەمڕۆ یەكشەم شاندێكی باڵای حكوومەتی هەرێمی كوردستان گەیشتە بەغدا.
وەك لە بەیاننامەیەكی وەزارەتی دارایی و ئابووری حكوومەتی هەرێمی كورستان هاتووە، شاندی باڵای حكوومەت لە هەریەك لە رێبەر ئەحمەد، وەزیری ناوخۆ و ئاوات جەناب نووری، وەزیری دارایی و ئابووری و ژمارەیەك بەرپرسی تر پێك هاتووە، ئێوارەی ئەمڕۆ یەكشەم گەیشتنە شاری بەغدا.
هەر بەپێی بەیاننامەكە ئامانج لە سەردانەكە گفتوگۆكردنە لەسەر سیاسەتی گومرگیی عێراق و هەرێمی كوردستان و هەمواركردنەوەی یاسای دەروازە سنوورییەكانە.