هندەك ژ خەلكی لدوڤ بیروباوەرێن كەڤنە ئاشوپی گورێن مریان دكولن و؟هزر دكەن زێر یێ تێدا، رێڤەبەریا شینواران ژی ددەت دیاركرن كو 10 كەس ل پارێزگەها دهوكێ سەرا كولینا گۆڕا هاتینە گرت.
د. بێكەس بریفكانی، رێڤەبەرێ شینوار و كەلەپورێ دهوكێ دیاركر كو ل چەند جهێن جودا هندەك ژ وەلاتیان دهێتە بهیستن كو گۆر دهێنە كولان و گۆت، هندەك ژ خەلكی ب گورەی كەڤنە ئاشوپین كەفنار دچن وهزر دكەن كو زێر دناڤ گۆران دا هەیە و دكولن، بەلێ ئەڤ یەك چ راستی بو نینە و ئەڤە چەنین سالە وەكو رێڤەبەریا شینوارا ئەم ڤەكولین و هەلكولینان بۆ جهێن شینواری دكەین و هەتا نوكە مە چ زێر نەدیتیە.
زێدەتر گۆت، ئەركێ مە پاراستنا شینوار و جهێن دیروكی یە، وەكو رێڤەبەری ئەم دوڤچونەكا جدی لسەر كوڵینا گۆڕا دكەین، ددەما بوری دا 10 كەس سەرا كوڵاجا گۆڕا ل ئاكرێ و ئەتروش هاتینە گرتن.
ناڤبری دیاركر ژی كو هەڤكاری لگەل ئالیێن شولەژێ و هێزێن ئەمنی دوڤچون بۆ پاراستنا شینواران یا بەردەوامە و گۆت ژی، هەركەسێ شینواران تێكبدت دێ ب گۆرەی یاسا رەفتار ل گەل هێتەكرن.
چەند رۆژێن بوری ژی رێڤەبەریا شینوارا سكالا لسەر كۆمپانیا لەگزس یا فروتنا ترومبێلا توماركر كو ریكڵام لسەر شینوارێن جەروانە دروست دكر، كومپانیا ناڤبری داخوازا لێبورینێ كر و ریكڵام ل سەر مالپەرێن خو رەشكر، هەڤدەم دایە دیاركرن كو وان تێكەلیەكێ دناڤبەرا كەفنار و نوێ دكارێ خۆ یێ ریكڵامی دا دروست بكەن ب وێ ریكلامێ.