هەر یەكە لە مەسروور بارزانی سەرۆك وەزیرانی كوردستان و بافڵ تاڵەبانی سەرۆكی یەكێتی شوێنی كۆبوونەوەی نێوان شاندی پارتی و یەكێتیان لە ماڵی مام جەلال لە دوكان جێهێشت.
كەمێك لەمەوبەر مەسروور بارزانی سەرۆك وەزیرانی كوردستان و بەدوای ئەویشدا بافڵ تاڵەبانی سەرۆكی یەكێتی شوێنی كۆبوونەوەی شاندی پارتی و یەكێتیان جێهێشت، بەڵام شاندی هەردوو حزب لە كۆبوونەوەكانیان بەردەوامن.
لە كۆبوونەوەی نێوان شاندی پارتی و یەكێتی باسی دابەشكردنی پۆستەكان بۆ پێكهێنانی كابینەی نوێی حكوومەتی هەرێمی كوردستان دەكرێت.
شاندەكەی پارتی بە سەرۆكایەتی هۆشیار زێبارییە و شاندی یەكێتیش بەسەرۆكایەتی قوباد تاڵەبانی ئێستە لە كۆبوونەوەدان.