نەخۆشخانەی 25 تەختیی سیدەكان كە یەكێك دەبێ لە پڕۆژە گرنگەكانی بواری تەندروستی، لە ئیدارەی سەربەخۆی سۆران دروست دەكرێ.
حكوومەت ئەو پارەیەی بۆ دابین كردووە كە بریتییە لە گوژمەی چوار ملیار و 833 ملیۆن دینار و 97%ی پڕۆژەكە تەواو بووە.
ڕووبەری نەخۆشخانەكە 10 هەزار مەتری چوارگۆشەیە و بە تەواوی پێداویستییە تەندروستییەكان، لە ماوەیەكی نزیكدا دەكەوێتە خزمەت هاووڵاتییان.
تەواوبوونی نەخۆشخانەی سیدەكان خزمەتێكی زۆر بە هاووڵاتییانی دەڤەری برادۆست و ئیدارەی سەربەخۆی سۆران دەگەیەنێت.