د رێورسمەکێ دا، ئەڤرۆ ل بارەگایێ مەكتەبا رێكخستنا پارتی ل پارێزگەها دهـوكێ، خەلاتێ مەسروور بارزانی، سەرۆكێ حكومەتا هەڕێما كوردستانێ ب هەردوو یانەیێن دهۆک و زاخۆ هاتنەدان کو بوینە قارەمانێن جاما عیراقێ.
خەلاتێ مەسروور بارزانی، ب رێكا نوێنەرێ خۆ، ل بارەگایێ رێکخستنا پارتی، درێورسمەكێ هەژی دا، گەهشتە، سەرۆك و دەستەیا كارگێری و یاریزانێن هەردوو یانەیێن دهـۆک و زاخۆ.
سەربەست لەزگین، بەررسێ مەكتەبا ڕێكخستنا پارێزگەها دهـۆکێ و ئیداڕا سەربەخۆیا زاخۆ دیارکر کو ئـەو سۆپاسیا، مەسروور بارزانی، سەرۆك وەزیران دکەن كو ل سەر ئاستێ هەرێما كوردستانێ درێغی نەكریە ژ بۆ سەركەفتنا كەرتێ وەرزشێ و گوت: ئەف پێشڤەچوونە و هەروەسا ئەو دەستكەفتێن یانەیێن كوردستانێ ب تایبەت یانەیێن دهـۆک و زاخۆ ب دەستخۆڤە دهینن بەرهەمێ پشتەڤانیا بەردەواما سەرۆك وەزیران و كابینەیا نەهـێ یا حكومەتا هەڕێما كوردستانێ یە.
د رێورسمان دا بەرئرسێ رێکخستنا پارتی و نوێنەرێ سەرۆك وەزیران و پارێزگارێ دهـۆكێ و سەرپەرشتیارێ ئێدارا سەربەخۆیا زاخۆ و بریكارێ وەزارەتا وەڕزش و ڵاوان و هەرسێ هاریكارێن مەكتەبا رێكخستنێ برێڤەچوون و خەلات ل سەر وان هاتنە دابەشکرن.
دهۆک دسێ هەیڤان دا شیا ببیتە قارەمانا جاما یانەیێن کەنداڤی و جاما عیراقێ، زاخۆ ژی شیا رێزا سێ یێ ل خولا ستێرێن عیراقێ و رێزا دوۆیێ ل جاما عیراقێ دەستخوڤە بینیت، هەردوو یانە پلێتا قارەمانیێن دەرڤە دەستخوڤە ئینایە و دێ د قارەمانیا سوپەرا عیراقێ ژی پشکداربن.
دهۆک، نەوزاد هلۆری: