پشتی کو چەند روژێن بوری، دارستانا نموونەیی یا زاویتە ئەگەرەکێ نەدیار ئاگربربویێ و هزاران دار سوتی، ئەڤرۆ ل سەر راسپاردێن سەروکێ حکومەتا هەرێما کوردستانێ، پارێزگارێ دهۆکێ و جهێن پەیوەندیدار کومبون و چەند بریارێن نوو دەرکرن بۆ سەرپێچیکاران.
د. عەلی تەتەر، پارێزگارێ دهۆکێ، ب مەرەما گرنگیدان ب پاراستنا دارستان وژینگه‌هێ ئه‌ڤرۆ ل گەل هژمارەک ژ فەرمانگەهێن پەیوەندیدار و فه‌رماندەیێ هێزا دهۆك یا پێشمه‌رگێ پاراستنا ژینگه‌هێ، ل دۆر چاوانیا پاراستنا دارستان وژینگه‌ها پارێزگه‌هێ کومبوون.
دكۆمبوونێ دا، پارێزگارێ دهۆکێ باس ل گرنگی یا پاراستنا دارستان وژینگه‌ها پارێزگه‌ها دهۆكێ ب گشتی ویا ناوچه‌داریا زاویته ب تایبه‌تی وتوندكرنا پێرابونێن كارگێری و یاسایی هه‌مبه‌ر هه‌ر سه‌رپێچاكاره‌كی هاته كرن.
پارێزگارێ دهۆكێ دوپاتكر كۆ لدووڤ راسپاردێن، مه‌سروور بارزانی، سه‌رۆكێ حكومه‌تا هه‌رێما كوردستانێ و ئه‌و گرنگی یا جه‌نابێ وان ب پاراستنا ژینگه‌هێ وداراستانان دده‌ت دڤێت دووڤچون وپێرابونێن كارگێری ویاسایی یێن پێدڤی هه‌مبه‌ر هه‌ر كه‌سه‌كی بهێنه وه‌رگرتن ئه‌وێن زیده‌گاڤیا ل سه‌ر ژینگه‌هێ وسوتنا داراستانا دكه‌ن و پشته‌ڤانیا پارێزگه‌ها دهۆکێ ژی نیشان دا بۆ هاریكاریه‌كێ.
پاش گه‌نگه‌شێن تێر و ته‌سه‌ل ل سه‌ر بابه‌تی هاتنه كرن وبریار ورێنمایێن نوو هاتنه دیاركرن هه‌مبه‌ر سه‌رپێچكاران.
چەند روژێن بوری نێزیکێ هزار دارێنکاژێ ین تەمەنێ وان دناڤبەرا 100 بۆ 300 سال ل دارستان و پارکا نیڤدەولەتی یا ژینگەهی ل زاویتە سوتن، ئەڤێ یەکێ زیانێن زۆر گەهاندن دارستانێ و چالاکڤان و بسپورین ژینگەهێ ژی تورەکرن، هەتا نوکە تنێ کەسەک ب تومەتا سوتنێ هاتیە گرتن.