"کارەبا روناکی سێ جاران ئەرزانترە ژ یا ئوروپا"
ل سالا 2006ێ هەتا نوکە عیراق ب رێیا پروژێن پر پارە کار ل سەر دابینکرنا کارەبا نیشتمانی دکەت، بەلێ هەتا نوکە نەشیایە کارەبێ بو وەلاتیان دابین دکەت، ماموستایەک زانکویێ ل دهۆکێ ژی ددەت دیارکرن کو ئەو پارێ عیراقێ ل کارەبێ مەزاختی دشیاندابو کارەبا 24 دەمژمێری بۆ عیراق، کوێت و ئوردن دابین بکەت، پشتی هەرێم ژ عیراقێ بێ ئومێدبوی نوکە کارەبا روناکی بۆ وەلاتیان دابین دکەت کو سێ جاران ئەرزانترە ژ کارەبا ئوروپا ددەت خەلکێ خۆ.
د. بشیر یوسف، ماموستایێ زانکویێ و بسپورێ ئابووری بۆ "وشە" گوت، ل سالا 2006ێ هەتا نوکە کو سالا 2025ێ یە، حکومەتێن ئێک لدوڤ ئێک یێن عیراقێ رێیا چیکرنا پروژێن پری پارەدار کار بۆ دابینکرنا کارەبێ دکەت، هەتا نوکە پتری 42 ترلیون دولار ژ چێکرنا پرۆژێن کارەبێ و دابینکرنا کارەبێ مەزاختینە، بەلێ دژیواری دا نە پروژەیێن کارەبێ دیارن، نە ژی کارەب هەیە، ئەڤ پارە هەموو ژلایێ حکومەتێ ب گەندەلی هاتیە برن و پیچکرن.
زێدەتر گوت، د شیاندابوو ب وی پارێ عیراقێ بۆ دابینکرنا کارەبا نیشتمانی مەزاختی، کارەبا نیشتمانی یا 24 دەمژمێری باشترین کوالێتی بۆ هەموو عیراق و کوردستانێ دابین بکەت، زێدەباری دابینکرنا کارەبێ بۆ کوێت و ئوردنێ ژی، بەلێ جهێ داخێ یە نوکە عیراقێ چوو کارەب نیە و خەلکێ وێ دناڤ پلەیێن گەرمایێ دا، ژیانا خۆ دبورینن.
ناڤبری دیارکر ژی کو هەر وەلاتەکێ کارەبا موەلیدان هەبیت، ئەو وەلاتەکێ پاشکەفتی یە و گوت ژی، عیراقێ نوکە تنێ شەش دەمژمێرا ل گەل هندەک ژ کارەبا موەلیدان هەیە، ئەو ژی کارەبایەکا بێ کۆالێتی یە و وەلاتی نەشێن چو مفای ژێوەربگرن.
د. بشیر یوسف، سەبارەت کارەبا روناکی یا حکومەتا هەرێما کوردسانێ دبێژین، پروژێ روناکی ئێک ژ پروژەیێن نیشتمانی یێن هەرە بهێز و گرنگ و ددەما خودایە، دڤیا بەری نوکە ئەڤ پێنگاڤە هاتبا هاڤێتن، روناکی وەکو بها نوکە سێ جاران ئەرزانترە ژ بهایێ کارەبێ ل ئوروپا ژبەرکو ل ئوروپا کارەب ددەستێ کومپانیێن تایبەت دایە، بەلێ پروژێ روناکی ل کوردستانێ هەموو ل سەر ستویێ حکومەتێ یە، زێدەباری کو دێ موەلیدە هێنە ڤەمراندن و ژینگەهـ پاقژبیت و خەلک ژ دەنگ و دوکێل و کارەبا بێ کوالێتی و بهایێ زور رزگاربیت.
پروژێ روناکی نوکە ل کوردستانێ گەهشتیە پتری 800 هزار خێزانان و بریارە هەتا دوماهیا سالا 2025ێ بگەهیتە هەموو وەلاتیێن سەنتەرێ پارێزگەهان، دیسان سالا 2026ێ ژی بگەهیتە هەموو کوردستانێ.