پشتی بەلاڤبونا وێنەیێ خێزانەکا چواڕ کەسی کو توشی نەخوشیا پەنجەشێرێ بوینە ل کەمپا باجد کەندال ل زاخۆ، مەسروور بارزانی ئەرکێ چارەسەرکرنا وان ب ستویێ خوڤە گرت.
ڤیان دەخیل، ئەنداما پەرلەمانێ عیراقێ و نونەرا پێکهاتە ئێزدیان گوت، مەسروور بارزانی، سه‌رۆكوه‌زیرێن هه‌رێما كوردستانێ، ده‌رباره‌ی ماڵباتەکاا ئێزدی یا كو چوار كه‌س دخێزانا وان دا تووشی نه‌خۆشیا شێرپه‌نجێ بووینە دەربری و دێ هه‌موو تێچوویێ ده‌رمان و هنارتنا ژ ده‌رڤه بستۆیێ خۆ ڤه گریت و تیمه‌كێ تایبه‌ت دێ هێته هنارتن ژبۆی چاڤدێریا ڕه‌وشا وان بكه‌ن.
زێدەتر گوت، ئه‌م سوپاسیا سه‌رۆكوه‌زیرێن هه‌رێما كوردستانێ دكه‌ین ژبۆ ڤێ بانگه‌وازییا مرۆڤایه‌تی كو جاره‌كا دی هیڤی و ئۆمێدێن ڤێ خێزانی ژبۆ ژیانێ ڤه‌گێڕاین و ئه‌ڤ ژی پشتی كو مه بانگه‌وازی گه‌هاندی جه‌نابێ وی.
ئەو خێزانا ئێزدی پێکدهێن ژ سێ کچ و کورەکێ، کو توشی پەنجەشێرێ بوینە و د شیانێن وان دا نینە چارەسەریا خۆ بکەن، ئەو چوار کەسە ئاوارێن شنگالێ نە و ل کەپا باجد کەندال ل زاخۆ دژین.
زاخۆ، نەوزاد هلۆری: