ئێوارەی ئەمڕۆ سێشەم دووی ئەیلوولی 2025، نێچیرڤان بارزانی سەرۆکی هەرێمی کوردستان، پێشوازیی لە پاتریک دۆرێل، باڵیۆزی فڕەنسا لە عێراق کرد. لە دیدارێکدا، هەردوولا سەردانە چاوەڕوانکراوەکەی ئیمانوێل ماکرۆن، سەرۆکی فڕەنسا، بۆ عێراق و هەرێمی کوردستان و هەڵبژاردنەکانی داهاتووی ئەنجوومەنی نوێنەرانی عێراقیان تاوتوێ کرد.
بەپێی ڕاگەیەنراوێکی سەرۆکایەتیی هەرێم، هەردوولا پێوەندییەکانی فڕەنسایان لەگەڵ عێراق و هەرێمی کوردستان بە گرنگ هەڵسەنگاند و دووپاتیان لە فراوانکردنی هاریکاریی هاوبەش کردەوە.
دۆخی گشتیی عێراق و هەرێمی کوردستان، پێوەندییەکانی هەولێر ـ بەغدا، و پێوەندی لەگەڵ وڵاتانی دراوسێ، لەگەڵ دوایین پێشهاتەکانی ناوچەکە، تەوەرێکی تری دیدارەکە بوون.