دنوكە دا 100%ێ یا سەنتەرێ باژێرێ دهۆكێ بویە كارەبا 24 دەمژمێری، هەڤدەم كارەبا گەهشتە پتری 115 گوند و كومەلگەهێن دەوڕوبەرێ دهۆكێ ژی.
ژێدەرەكێ ل رێڤەبەریا گشتی یا كارەبا پارێزگەها دهوكێ بو "وشە" گوت، ژورا كارئێخستنا كارەبێ ل ریڤەبەریا گشتی یا كارەبن پارێزگەها دهۆكێو كونترول وگەهاندنا كارەبا پارێزگەها دهوكێ، كارەبا 24 دەمژمێری یا روناهی بو قوناغا شەشێ، گەهاندنە 12 فیدەرێن دەوروبەرێن سەنتەرێ دهوكێ پێكهاتینە ل هەردوو ناحیا جەمانكێ و مانگێش، ل گەل هەردوو كومەلگەهێن كورا و باگێرا وپتری 110 گوندان.
زێدەتر گوت، بارێ وان گەهشتیە 25 مێگاواتێن كارەبێ و ڤان ناحیا وكومەلگەهان خو ڤەدگریت، ناحیا مانگیش و هەر ئێك ژ گوندێن بەروشكێ، دێرگژنیك، گەلناسكێ، ئەرزا، ناڤشكێ ئوزمانا، چرانێ، شاوریكێ، كەمەكا، ئەلنكێ، ئێكمالێ، گوندێ نەبی، ئەلكیشكێ، مجلمەختێ، كوڤلێ ، زیوكا كەندالا و بەندا..هتد و هەموو گوندێن دی، دیسان ل ناحیا چەمانكێ وگوندێن گەلی قەنتارا، رونتا، غلبوكێ،بهێرێ ، خرابیا ، لومانا، سوارەتیكا ، گەربەراسكێ ، بەراشێ، مێزێ….هتد، كومەلگەهـ گوندێن ب سەر ناحیا زاویته وەكو باكێرا، كورا، دەرگەلێ، مەمانێ، رشانكێ ، صوریا ، بابیركێ، كانیا باسكا ، گابێركێ، پیرومەرا، گەرماڤا، باخرنیفێ، گرێ قسروك ، قارقەراڤا ، بوتیا ، پیرەفاتێ ، برجینێ ، زێوا شەفیق ، باجلور، مێسكێ..هتد.
ژێدەری دیاركر ژی كو هژمارا هەڤپشكا دبنە نێزیكی 5500 مال وجهێن بازرگانی، ل ڤان جهان پتری 18 موەلیدە هاتنە ڤەمراندن و ل جهێن جودا یێن سەرەكی و قەبارێ وان دبیتە 7580KVA كو دبوونە ئەگەرێ بەلاڤبوونا 31.3 تەنێن گازا CO2 ل روژێ دا ل دەوروبەرێت باژێرێ دهوك، ئەڤە دوماهی قوناغ بۆ ل سەنتەرێ دهوكێ ل گەل ناحیی و كومەلگە وگوندێن سەر ب قەزا ناڤەندی یا دهۆكێ، هەتا نوكە ل سەرانسەری قەزا دهوكێ نێزیكی 451 موەلیدە هاتنە ڤەمراندن.
دابینكرنا كارەبا روناهی یا 24 دەمژمێری بەردەوامە و د نوكە دا چویە سنورێ قەزایێن سێمێل و ئامێدیێ، دیسان ل ئیدارا سەربەخویا زاخۆ.