مامۆستایەكی ئاینی رای دەگەیەنێت، بەشداری نەكردن لە هەڵبژاردن، هەڵەیە و دەبێت مسوڵمان دەنگ بدات بەو لایەنەی خزمەتیان دەكات.
ئەمڕۆ پێنجشەم شەشی تشرینی دووەم، مامۆستا فكری سیتكانی پێشنوێژ و وتارخوێن لە هەولێر، بە "وشە"ی گوت، هەڵەیە هاووڵاتی لە ماڵەوە دابنیشێ و بەشداریی دەنگدان نەكات، هەڵبژاردن لە ڕووی شەریعەتەوە دروستە و پرسی هەڵبژاردن گەورەترین پێگەی هەیە لە ئیسلامدا.
هەروەها ئاماژەی بۆ ئەوەیش كردە كە دەبێ مسوڵمانان بیر بكەنەوە كامە لایەن خزمەتی كورد و كوردستان دەكات، دەبێ بیكەنە نوێنەری خۆیان.
دووپاتی كردەوە كە یەك دەنگی كورد لەو هەڵبژاردنە گرنگە و دەبێ هەموو لایەك بەشداریی بكەن.
بڕیاری رۆژی 11/11 هەڵبژاردنی ئەنجوومەنی نوێنەرانی عێراق بەڕێوە بچێت، پارتی دیموكراتی كوردستان كە گەورەترین و پڕ خزمەترین حزبی كوردستانە، بە ژمارەی 275 بەشدارە.