سەرۆك مەسعوود بارزانی لە پەیامێكدا بۆ جەژنی ڕۆژیی ئێزی، وێڕای پیرۆزبایی لە خوشك و برایانی ئێزیدی لە كوردستان و جیهان، دووپاتی دەکاتەوە کە جێی شانازییە كوردستان وڵاتی برایەتی و پێكەوەژیانی نێوان پێکهاتەکانە و پێویستە ئەم فەرهەنگە قوڵتر بكرێتەوە.
پەیاما سەرۆکێ بارزانی بۆ جەژنا ڕۆژیێن ئێزی
ب ناڤی خودێ مەزن و دلۆڤان
ب هەلكەفتا هاتنا جەژنا (ڕۆژیێن ئێزی) پیرۆزباهیەكا گەرم ل خوشك و برایێت ئێزیدی ل كوردستانێ و هەمی جیهانێ دكەم. هیڤیدارم ئەڤ جەژنە خوەشی و بەختەوەرییێ بۆ تەڤایا خوشك و برایێت ئێزیدی بهینیت و خوشك و برایێت ئێزیدی هەمی جەژن و هەلكەفتێن خۆ ب ئارامی و دلخۆشی بگێڕن.
جهێ شانازیێیە كو كوردستان وڵاتێ برایەتی و پێكڤەژیان و ئاشتیخوازیێیە دناڤبەرا هەمی پێكهاتێت ئایینی و نەتەوەیی و پێتڤیە ئەڤ فەرهەنگە كوورتر و بەرفرەهتر ببیت.
بمینن د خێر و خۆشییان دا.
مسعود بارزانی
18ی کانوونا ئێکێ 2025