ژمارەیەك لە رۆژنامەنووس و چالاكی كۆیە، داوای دەستلەكاركێشانەوەی قایمقام دەكەن و ئەو پرسەشیان لە ناو خەڵكی شارەكەدا بڵاو كردووەتەوە.
شەپۆلێكی ناڕەزایەتیی بەرفراوان ناو تۆڕە كۆمەڵایەتییەكانی گرتووەتەوە و هاووڵاتییانی كۆیە داوای دەستلەكاركێشانەوەی ئیدارەی شارەكە دەكەن، بەهۆی نەبوونی كارەبا و خزمەتگوزاری پێویست.
هەرێم كاكەسوور چالاكی مەدەنی لە كۆیە، بۆ "وشە" گوتی، هاووڵاتییان باس لەوە دەكەن كە كۆیە تووشی "ئیفلیجیی خزمەتگوزاری" بووە و هیچ هەنگاوێكی رژد بۆ چارەسەركردنی كێشەكان بەتایبەت پرسی كارەبا ئاو و ڕێگاوبان لێژنەكانی چاودێری ، نەنراوە.
روونیشی كردەوە كە یەكێك لە ڕەخنە سەرەكییەكان ئەوەیە كە قایمقام خەڵكی شارەكە نییە و هەست بە ئازار و پێداویستییەكانی خەڵكی كۆیە ناكات و داوای دەستلەكاركێشانەوەی دەكەن.
كۆیە لە رووی ئیدارییەوە سەر بە هەولێرە بەڵام حزب لەوێ /یەكێتی/ رێگرە كە پڕۆژەكانی حكوومەتی هەرێمی كوردستان بگاتە شارەكە و هەموو پرسێك بە حزبی دەكات.