رێڤەبەرێ گشتیی یێ باژێرڤانیان ل پارێزگەها دهوکێ دیارکر کو دنوکە دا کار بۆ دابەشکرنا پارچە زەڤیان د گەرا پێنجێ دا دهێتەکرن و ل نێزیک دێ هێنە دابەشکرن
دیار بەحری، رێڤەبەرێ گشتیی یێ باژێرڤانیان ل پارێزگەها دهوکێ ڕاگەهاند، هەتا نوکە چوار گەڕێن پارچەیێن زەڤیان کو پتری دوو هزار پارچەبوون لسەر پێشمەرگە و فەرمانبەران ل سنورێ پارێزگەه دهوکێ هاتینە دابەشکرن و ل نێزیک دێ گەڕا پێنجێ یا پارچە زەڤیان هێتە دابەشکرن و پرۆسەیا دابەشکرنێ ژی دێ یا بەردەوام بیت.
زێدەتر گوت، ل سالا 2025ێ مە وەکو رێڤەبەریا گشتی یا باژێرڤانیان ل پارێزگەها دهۆکێ 128 پرۆژە ب کۆژمێ 159 ملیار دیناران ئەنجامداینە، هەروەسا 105 پرۆژەیێن بچووک ل سەر پێشینەیان باژێرڤانیا هاتینە ئەنجامدان و کار و پروژە و خزمەتگۆزاریێن مە بێ جۆداهی ل سنورێ هەر 47 باژێرڤانیێن پارێزگەها دهۆکێ بەردەوامن بۆ خزمەتا وەلاتیان.
بەری سەرێ سالێ پتری 1400 پارگە زەڤی ل سنورێ فەیدیێ و مسێریک و شاریا ل نێزیک دهوکێ لسەر پێشمەرگە و فەرمانبەران هاتنە دابەشکرن.
ژبلی رێڤەبەریا گشتی یا باژێرڤانیان، هەڤدەم سەروکاتیا باژێرڤانیا دهوکێ ژی کو سەربەخویە، وان ژی نێزیکی 58 پروژێن جودا ل سەنتەرێ باژێ دهوکێ ئەنجامداینە و پتری 80 پروژە د قوناغێن چێکرنێ دانە.