مەسروور بارزانی سەرۆكی حكوومەتی هەرێمی كوردستان، لە پیرمام لەگەڵ تۆم بارك نوێنەری تایبەتیی سەرۆكی ئەمەریكا بۆ سووریا و باڵوێزی ئەمەریكا لە توركیا كۆبووەوە.
لە دیدارێكی تایبەتدا كە وێندی گرین كونسوڵی گشتیی ئەمەریكا لە هەرێمی كوردستان ئامادەی بوو، گفتوگۆ لەبارەی بارودۆخی گشتیی ناوچەكە و پێوەندییەكانی هەرێمی كوردستان و حكوومەتی فیدراڵ و وڵاتانی دراوسێ كرا و دووپات لە چارەسەریی ئاشتییانەی كێشەكان و پاراستن و ڕێزگرتن لە مافە دەستوورییەكانی هەرێمی كوردستان كرا.