موراد قەرەیلان فەرماندەی گشتیی هێزەكانی پاراستنی گەل (هەپەگە) پەیامێكی تایبەتی بە رۆژئاوای كوردستان بڵاو كردەوە و رای گەیاند، ئەمەی روو دەدات قۆناغێكی مێژووییە و هێرشەكانیش تەنیا بۆ سەر رۆژئاوای كوردستان نییە، بۆ سەر هەموو گەلی كوردە.
پەیامەكەی قەرەیلان لە رێگەی ڤیدیۆوە لەلایەن میدیاكانی نزیك لە خۆیان بڵاو كراوەتەوە و دەڵێت: ئەمە پیلانگێڕییەكی گەورەیە، دەوڵەتی تورك لە پشت ئەم شەڕەوەیە و هاوكاریانە.
ئەوەشی گوتووە، ئەو سەفەربەرییەی راگەیەنراوە بۆ هەموو گەلی كوردستانە و دەبێت هەمووان خاوەن هەڵوێست بن، وەك گەل و تەڤگەر چی دەبێت با ببێت، رۆژئاوا بە تەنیا جێناهێڵین.