وەزارەتی پێشمەرگەی حكوومەتی هەرێمی كوردستان راگەیەنراوێكی بەبۆنەی 11مین ساڵوەگەڕی رزگاركردنی كۆبانێ بڵاو كردەوە.
وەزارەتەكە دەڵێ، لە 11مین ساڵوەگەڕی ڕزگاركردنی كۆبانێدا، سڵاو بۆ پێشمەرگە و شەڕڤانە قارەمانەكان دەنێرین كە شان بە شانی یەكتر لە بەرەنگاربوونەوەیەكی ئەفسانەییدا دژی تیرۆریستانی داعش جەنگان و بە گیانی خۆیان و بەرخودانێكی بێوێنە توانیان كۆبانێ لە دەستی دڕندەترین ڕێكخراوی تیرۆریستی ئازاد بكەن.
ئاماژە بۆ ئەوە كراوە كە سەركەوتنی كۆبانێ سەركەوتنی گیانی بەرگری و مرۆڤانە بوو بەسەر دڕندەیی تیرۆستانی داعشدا، بەهەمان روحیەتی بەرخودان و بەرگری، هەرگیز كۆبانێ ناكەوێ و ئیرادەی سەركەوتن بەردەوام دەبێت.