سەرۆكی دیوانی ئەنجوومەنی وەزیرانی كوردستان بڵاوی كردەوە، لەسەر فەرمانی مەسروور بارزانی سەرۆك وەزیرانی كوردستان، كۆبوونەوەیەكی باڵا بۆ یەكخستنی هێزەكانی پێشمەرگە بەڕێوەچوو.
ئومێد سەباح، بڵاوی كردەوە لە چوارچێوەی یەكخستن و رێكخستنەوەی هێزەكانی سەر بە وەزارەتی پێشمەرگە و دروستكردنی فەرماندەی دەڤەری یەك و دەڤەری دوو، لەسەر راسپاردەی مەسروور بارزانی سەرۆكی حكوومەتی هەرێمی كوردستان بۆ پێكهێنانی لیژنەی باڵا بۆ رێكخستنەوەی هێزەكانی پێشمەرگە، ئەمڕۆ كۆبوونەوەی لیژنەی باڵا بۆ تاوتوێی دیاریكردنی دەسەڵاتەكانی كارگێڕی و دارایی و یاسایی فەرماندەی دەڤەرەكانی یەك و دوو بەڕێوەچوو.
ئاماژەی بۆ ئەوە كردووە، لە کۆبوونەوەکەدا بڕیار درا لیژنەكە لە داهاتوویەكی نزیك كارەكانی كۆتایی پێ بهێنێت، و دەسەڵاتە كارگێڕی و دارایی و یاساییەكانی دەڤەرەكان، پەسەند بكرێت.