لە چوارچێوەی گرنگیدانی كابینەی نۆی حكوومەتی هەرێمی كوردستان بە كەرتی ڕێگەوبان و ژێرخانی ئابووری، پڕۆژەی ستراتیجیی ڕێگەی (ئێتیت- باعەدرێ) لە سنووری پارێزگای دهۆك بە خێراییەكی بەرچاو جێبەجێ دەكرێت.
گرنگی و تایبەتمەندییەكانی پڕۆژەكە ئەوەیە ئەم پڕۆژەیە كە بە یەكێك لە پڕۆژە گرنگەكانی دەڤەرەكە دادەنرێت، سەرەتای شاری دهۆك بە شارەدێی باعەدرێوە دەبەستێتەوە. درێژایی ڕێگەكە 26 كیلۆمەترە و بەسەر سێ قۆناغی سەرەكیدا دابەش بووە.
پێشكەوتنی كارەكان بەپێی دوایین ئامارەكان، كارەكانی پڕۆژەكە بە ڕێژەی 30% لە پێش ئەو كاتە دیاری كراون كە بۆی دانراوە، ئەمەش نیشانەی خێرایی و وردی لە جێبەجێكردنیدایە:
* ڕێژەی تەواوبوون: تا ئێستە 75%ـی كۆی گشتیی پڕۆژەكە بەكۆتا هاتووە.
* قۆناغی یەكەم: لە قۆناغی كۆتاهاتندایە.
* قۆناغەكانی تر: كاركردن لە هەردوو قۆناغی دووەم و سێیەم بە چڕی و بەشێوەیەكی خێرا بەردەوامە.
پێكهاتەی ئەندازیاری و تێچوو: پڕۆژەكە بە گوژمەی 135 ملیار دینار جێبەجێ دەكرێت و بڕبڕەی پشتی هاتوچۆی ناوچەكە دەبێت. بۆ ئاسانكاریی هاتوچۆ و كەمكردنەوەی جەنجاڵی، پڕۆژەكە 10 ئۆڤەرپاس (پردی پەڕینەوە) و ئەندەرپاس لەخۆ دەگرێت كە بە ستانداردە جیهانییەكان دروست دەكرێن.
حكوومەتی هەرێمی كوردستان لە ڕێگەی ئەم پڕۆژە ستراتیجییانەوە، ئامانجیەتی ئاسانكاریی زیاتر بۆ هاتووچۆی هاووڵاتییان و گەشەپێدانی زیاتری كەرتی بازرگانی لە ناوچەكەدا بكات.