گوتەبێژی وەزارەتی دارایی و ئابووری حكوومەتی هەرێمی كوردستان رای گەیاند، بە نزیكترین كات مووچەی مانگی یەكی فەرمانبەران لە بەغداوە دەگات.
ئەمڕۆ یەكشەم هەشتی شوبات، هونەر جەمال گوتەبێژی وەزارەتی دارایی و ئابووری حكوومەتی هەرێمی كوردستان، رای گەیاند، هەموو پابەندییەكان لەلایەن وەزارەتی دارایی بۆ دابین كردنی مووچە كراوە و دواجار ناردنی 120 ملیار دینارەكە بوو كە رۆژی پێنجشەم رەوانە كرا.
ڕوونیشی كردەوە كە لە نزیكترین كاتدا مووچەی مانگی یەكی فەرمانبەران دەگات و لەگەڵ گەیشتنی دەست بە دابەشكردنی دەكرێت.
هەروەها روونی كردەوە، 60% بۆ 70%ی پارەی مووچە هەرێمی كوردستان خۆی دابینیدەكات لەڕێگەی داهاتی ناوخۆ و پێدانی نەوت بە بەغدا.