سەرچاوەیەكی ئاگەدار بە "وشە"ی راگەیاند، ئەمشەو وردبینی لیستی مووچە لە سیستمی پەیرۆڵ تەواو كرا و رەوانەی بەغدا دەكرێت.
كەمێك لەمەوبەر سەرچاوەكە تەواوبوونی لیستی مووچەی مانگی شوباتی لە وەزارەتی دارایی و ئابووری هەرێمی كوردستان راگەیاند.
سەرچاوەكە گوتی، وردبینی لیستەكە تەواو بوو، ئەمشەو رەوانەی بەغدا دەكرێت و شاندێكیش هەر ئەمشەو دەچنە بەغدا.
"وشە" لە سەرچاوەیەكی ترەوە لە بەغدا زانیویەتی هەر كاتێك لیستی مووچە و 120 ملیار داهاتی ناوخۆ و نووسراوی وەزارەتی نەوتی عێراق لەبارەی هەناردەی نەوت بگاتە، وەزارەتی دارایی عێراق مووچە رەوانە دەكرێت.