وەزارەتی ناوخۆی حكوومەتی هەرێمی كوردستان راگەیەنراوێكی بڵاو كردەوە و ئاماژە بەوە دەكەن، هەرێمی كوردستان وەك هەمیشە فاكتەری سەقامگیریی و ئارامی بووە لە ناوچەكەدا و هیچ كاتێك سەرچاوەی هەڕەشە و مەترسیی نەبووە.
ڕاگەیەندراوێك لە وەزارەتی ناوخۆی هەرێمی كوردستانەوە
ئەمڕۆ چەند لایەنێك، ڕاگەیاندراوێكیان بڵاوكردەوە كە تێیدا هەڕەشەیان لە وڵاتێكی دراوسێ كردووە ، لەم ڕووەوە ، بە پێویستی دەزانین دووپاتی بكەینەوە كە هەرێمی كوردستان وەك هەمیشە فاكتەری سەقامگیریی و ئارامی بووە لە ناوچەكەدا و هیچ كاتێك سەرچاوەی هەڕەشە و مەترسیی نەبووە بۆ ئاسایشی هیچ وڵاتێكی دراوسێ و ڕێگەش نادات، هیچ لایەنێك، هەرێمی كوردستان لە دژی هیچ وڵاتێكی دراوسێ بەكار بهێنێت .
وەزارەتی ناوخۆی
حكومەتی هەرێمی كوردستان
2026/2/22