سەرۆكایەتیی هەرێمی كوردستان بە توندی سەركۆنەی ئەو هێرشە دەكات كە ئەمڕۆ كرایە سەر كونسوڵگەى گشتیی دەوڵەتی ئیمارات لە هەولێر، کە بەهۆیەوە دوو پاسەوان بریندار بوون و زیان بە باڵەخانەی كونسوڵگەکە گەیشت.
سەرۆكایەتیی هەرێمی كوردستان رای گەیاند، لە كاتێكدا هیوای زووچاكبوونەوە بۆ برینداران دەخوازین، دووپاتی دەكەینەوە كە پێویستە حكوومەتی عێراق ئەركی خۆی بۆ پاراستنی نێردە دیپلۆماسییەكان جێبەجێ بكات، ڕێگری لە دووبارەبوونەوەی ئەم هێرشانە بكات و ئەنجامدەرانی بدۆزێتەوە و سزایان بدات، تا چیتر ئاسایش و بەرژەوەندییەكانی وڵات نەكەونە مەترسییەوە.