مەسروور بارزانی سەرۆك وەزیرانی كوردستان پەیامی پیرۆزبایی جەژنی رەمەزانی بڵاو كردەوە و رای گەیاند، جەژن ببێتە مایەی شادی و ئارامی و كۆتاییهاتنی شەڕ و گرژی لە ناوچەكە و جیهان.
دەقی پەیامەكەی مەسروور بارزانی:
بە بۆنەی هاتنی جەژنی پیرۆزی ڕەمەزانەوە، گەرمترین پیرۆزبایی لە گشت موسڵمانانی كوردستان و عێراق و جیهان دەكەم. ئومێدەوارم خوای گەورە و میهرەبان، ڕۆژوو و خواپەرستیی هەموو لایەكی قبوڵ كردبێت و جەژن ببێتە مایەی شادی و ئارامی و كۆتاییهاتنی شەڕ و گرژی لە ناوچەكە و جیهان.
جەژنی ڕەمەزان لە هەمووان پیرۆز بێت و خودای مەزن كوردستان بپارێزێت.
مەسرور بارزانی
سەرۆكی حكومەتی هەرێمی كوردستان