ئەمڕۆ یەكشەم شاندێكی هەرێمی كوردستان گەیشتە بەغدا و بڕیارە سبەی چەند دۆسیەیەكی ناكۆكی لەسەر لەگەڵ بەرپرسان لە حكوومەتی عێراق تاوتوێ بكات، لەوانە مووچەی فەرمانبەران و هەناردنی نەوتی هەرێم و سیستمی ئەسیكۆدای گومرگی.
وەفا محەمەد كەریم توێژەری سیاسی ئاماژە دەكات، شاندێكی هەرێمی كوردستان، كە لە ژمارەیەك بەرپرسی حكوومەتی هەرێم پێك هاتووە، ئەمڕۆ گەیشتە بەغدا بۆ باسكردنی چەند دۆسیەیەكی ئابووری و باسكردنی میكانیزمەكانیان، لەوانە مووچەی فەرمانبەران و هەناردنی نەوتی هەرێمی كوردستان و سیستمی ئەسیكۆدای گومرگی.
ئاماژەی كرد، پێشتر ئەو دۆسیانە لە نێوان هەردوولا باس كراوە، بۆیە سەردانەكە بۆ تەواوكردنی باسكردنیانە، بەتایبەتی ئێستە بەهۆی دۆخی ناوچەكە داهات و هەناردنی هەرێم كەمی كردووە، دووپاتی كردەوە كە كۆبوونەوەی شاندی هەرێم لە بەغدا سبەی دووشەم دەست پێ دەكات.