مەسروور بارزانی سەرۆكی حكوومەتی هەرێمی كوردستان، پێشوازی لە جەنەڕاڵ كێڤن لامبرت فەرماندەی گشتیی هێزەكانی هاوپەیمانان لە عێراق و سووریا كرد.
لە دیدارەكەدا دۆخی گشتیی هەرێمی كوردستان و عێراق و ناوچەكە و هەوڵەكانی ڕووبەڕووبوونەوەی هێرش و مەترسییەكان بۆ سەر كوردستان و بەرەنگاربوونەوەی تیرۆریستانی داعش تاوتوێ كرا.
سەرۆكی حكوومەت، سوپاس و پێزانینی هەرێمی كوردستانی بۆ پشتیوانیی و هاریكاری هێزەكانی هاوپەیمانان دووپات كردەوە .
فەرماندەی گشتیی هێزەكانی هاوپەیمانان لە عێراق و سووریا، دووپاتی لە بەردەوامبوونی پشتیوانیی بۆ پێشمەرگە و هەرێمی كوردستان لە پێناو پاراستنی ئاسایش و سەقامگیریی و ڕووبەڕووبوونەوەی ئاڵنگارییەكان كردەوە.