ئەمڕۆ سێشەم 14ی نیسانی 2026، سەرۆک مەسعوود بارزانی پەیامێکی پیرۆزبایی بەبۆنەی جەژنی سەری ساڵی ئاینیی ئێزیدییەکان بڵاو کردەوە. تێیدا دووپاتی کردەوە کە ئێزیدییەکان بەشێکی ڕەسەنی گەلی کوردستانن، و ڕای گەیاند کە پشتیوانیی تەواو لە داواکارییەکانیان دەکات و هەمیشە هاوبەشی خەم و ئازارەکانیانە.
دەقی پەیامەکەی سەرۆک بارزانی:
ب ناڤێ خودێ یێ مەزن و دلوڤان
ب هەلکەفتا هاتنا جەژنا سەرێ سالا ئۆلا ئێزیدیان، گەرمترین پیرۆزباهیێن خۆ ئاراستەی هەمی خوشك و برایێن ئێزیدی ل كوردستانێ و جیهانێ دكەم و هیڤیا بەختەوەری و کەیفخۆشیێ بۆ وان دخوازم.
خوشك و برایێن ئێزیدی بەشەکێ رەسەنێ گەلێ كوردستانێ نە و دڤێ هەلکەفتێ دا جەختێ دکەم کو دگەل ئێش و ئازارێن وان داینە و ب هەمی شیانان پشتەڤانیا داخوازیێن خوشک و برایێن ئێزیدی دكەم.
هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن د خێر و خۆشیاندا.
مسعود بارزانی
14ی نیسانا 2026