سەرۆك بارزانی پێشوازیی لە شاندێكی پارێزگای نەجەف كرد، لە دیدارەكەدا وێڕای باسكردنی بارودۆخی سیاسیی عێراق، ڕۆشنایی خرایە سەر پێوەندییە مێژووییەكانی نێوان هەرێمی كوردستان و پارێزگای نەجەف.
ئەمڕۆ دووشەم 18ی ئایار، سەرۆك مەسعوود بارزانی پێشوازیی لە یوسف گناوی پارێزگاری نەجەف و ئەندامانی ئەنجوومەنی پارێزگای نەجەف كرد.
لە دیدارەكەدا وێڕای باسكردنی بارودۆخی سیاسیی عێراق، ڕۆشنایی خرایە سەر پێوەندییە مێژووییەكانی نێوان هەرێمی كوردستان و پارێزگای نەجەف. دووپاتیش لە پەرەپێدانی پێوەندییەكانی نێوان هەردوولا لە بواری ئاوەدانكردنەوە و ژینگە و بوارەكانی تر كرایەوە.