ئاوی كەركووك شیاوی خواردنەوە نییە و كێشەكان لەو شارەدا دەتەقنەوە

 

ئێمە ماوەیەكی زۆر لە كەركووك و بە تایبەت لە سنووری پەنجاعەلی كارمان كردووە، لەگەڵ قوتابخانە سەرەتاییەكاندا كاری هاوبەش، پڕۆژەی خزمەتگوزاری، تەندروستی، دابەشكردنی كۆمەك و هاوكاریمان هەبووە، بەڵام یەكێك لەو مەترسییانەی كە هەست پێ كراوە و تۆمار كراوە زیاتر لە 300 منداڵ تووشی نەخۆشیی گورچیلە و میزڵدان بوون، كە دوای لێكۆڵینەوە و بەدواداچوون دەركەوتووە هۆكارە سەرەكییەكە ئەوەیە ئاوی كەركووك بە كەڵكی خواردنەوە نایەت و پاك نییە، بەتایبەت ئەوەی لە قوتابخانە و ماڵەكاندا دەركەوتووە، ئاوەكە پڕ لە كلس و قوڕ و لیتەیە، هەروەها لە زۆربەی گەڕەكەكانی كەركووك شەقامەكان قیرتاو نییە و ئاوی كەركووك لەگەڵ پاشەڕۆ تێكەڵ بووە كە بووەتە هۆی نەخۆشیی پێست لەناو خەڵكی شارەكەدا. 

نەخێر ئێمە كارمان لەسەر زۆر پڕۆژەی تر كردووە، لە رووی دەروونی و كۆمەڵایەتی چەندان پڕۆژە جێبەجێ كراون، دەركەوتووە كە كۆمەڵێك كێشەی دەروونی و كۆمەڵایەتی و ئابووری هەیە كە تا ئێستە خەڵكی شارەكە پێوەی گیرۆدە بوون.

بە دڵنیاییەوە ئەگەری تەقینەوەی كێشەكان لە كەركووك هەیە، ئەگەر ئاراستەی چارەسەری نەگیرێتە بەر و ئاستی خزمەتگوزارییەكانی شارەكە روو لە بەرزبوونەوە نەكرێت، چونكە ژمارەی هاووڵاتییانی كەركووك زۆر زیاترە لەو خزمەتگوزارییە سەرەتاییانەی هەیە و دەیان كێشەیش روو لە شارەكە دەكات. 

خێزانی كەركووك مافی ئەوەیان هەیە ژیانێكی ئاسایی بژین، ئێستە ئەو مافەیشیان بۆ دابین نەكراوە و هیچ پڕۆژەیەكی ئەوتۆ لەوشارەدا نییە، تەنیا ئەوە نەبێ‌ لەكاتی هەڵبژاردنەكاندا دوو كۆڵان قیرتاو دەكرێت، بۆیە دەبێت بیر لەوە بكرێتەوە خزمەتی كەركووك و بە دیاریكراوی گەڕەكی پەنجاعەلی بكرێت.