جوتیارەکێ دەڤەرا شاریا درۆن بۆ رەشاندنا دەرمانی ل بەرهەمێ ناڤخۆ وەکو گەنمی بکاردئینیت، ئەڤ یەک ژی تشتەکێ نوێ یە ل دەڤەرێ و کوردستانێ.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ بۆ "وشە" گۆت، بکارئینانا درونێ بۆرەشاندنا دەرامەت و گەنم و،بەرهەمێ خومالی ب گشتی ئێکە ژ رێکێن پێشکەفتی یێن رەشاندنێ ل جیهانێ و ل وەلاتێن پێشکەفتی دهێتە بکازئینان، جوتیارەکێ پارێزگەها دهۆکێ ژی ئەڤ یەک ئینایە و بکاردئینیت.
زێدەتر گوت، وەکو رێڤەبەریا گشتی یا چاندنێ دەستخۆشیێ ل وی دکەین ۆ شتەڤانیا خۆ ژی بۆ جوتیاران دوپات دکەین، دیسان کابینا نەهێ یا حکۆمەتا هەرێما کوردستانێ ژی هەموۆ ئاسانکاریێن باش بۆ جوتیاران کرینە و رێک بۆ وان هاتینە خۆشکرن داکو پتر مفای ژ بکارئینانا زانست و تەکنەلۆجیا نوی وەربگرن بۆ پێشکەفتنا کەرتێ چاندنێ ل هەرێما کوردستانێ.
پێشتر ل کوردستان و پارێزگەها دهۆکێ ژی درون بۆ رەشاندنا دەرمانی نەهاتیە بکارئینان، ئەڤە دبیتە ئێکەم جار دهێتە بکارئینان ب تایبەتی ل پارێزگەها دهوکێ.
ل سنورێ پارێزگەها دهۆکێ چەند دەشتەکێن مەزن هەنە و چەندین جورێن بەرهەمێن خومالی تێدا دهێنە چاندن ب تایبەتی دەشتا نافکور و سلێڤانەی.