پارێزگەها دهۆکێ یا ناڤدارە بەرهەمێ نافخۆ، سالانە رێژەکا زور یا كەسكاتی و فێقی لێ دهێتە بەرهەمئینان، پرانیا بەرهەمێ دهوکێ دهێتە رەوانەکرن بۆ پارێزگەهێن دهۆکێ، هەیڤا بوری 48 هزار و 550 تەن هاتینە هنارتن.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ بۆ "وشە" گوت، ب مەرەما پەیداکرنا بازاری بەرهەمێ خومالی ل پارێزگەها دهۆکێ، حوکمەتا هەرێما کوردستانێ ئاسانکاریێن باش کرینە داکو پتر بازار بۆ بەرهەمی پەیدا ببیت، ژبەرکو دهۆک ئێکە ژ پارێزگەهێن هەرێما کوردستانێ، رێژەیەکا زور یا بەرهەمێ خومالی لێ هەیە.
زێدەتر گوت، دمەها هەشت یا ئەڤ سالەدا 48 هزار و 550 تەنێن بەرهەمێ خومالی یێ پارێزگەها دهوکێ بۆ ناڤەراست و باشورێ عێراقێ هاتینە هنارتن، ژ چەندین جوران پێکدهات، وەکو پتات، پیڤاز، خیار، کولند، هژیر، تەماتە و گوندور.
رێڤەبەرێ گشتی یێ چاندنێ ل پارێزگەها دهۆکێ دیارکر ژی کو د ئەڤ سالە ژی دا هەتا نوکە 163 هزار و 447 تەنێن بەرهەمێ خومالی یێ پارێزگەها دهوکێ بۆ ناڤەراست و باشورێ عێراقێ هاتینە هنارتن و گوتژی، ئەو بەرهەمێن سەرەكی یێن پارێزگەها دهۆکێ بۆ باژێرێن عیراقێ دهێنە هنارتن پێکدهێن پتات، پیڤاز، تەماتە، خیار، گوندور، کولند و چەندین جورێن بەرهەمێن دی، ئە دێ ل سەر هەڤکاریا جوتیاران بەردەوام بین.
زورترین چاندنا پارێزگەها دهۆکێ ل دەشتا نافکورێ و شێخان و سلێڤانەیان دهێتە بەرهەمئینان، ل دهۆکێ ژی رێژەیەکا هەرە زور یا تری بەرهەڤە بۆ بازاڕکرنێ.