دڤان چەند سالێن دوماهیێ دا ب تایبەتی ل سەردەمێ کابینا نەهێ، بەرهەمئینانا پتاتا ل کوردستانێ ئاستەکێ بلند تومارکریە، ب تایبەتی ل سنورێ پارێزگەها دهوکێ، لەوا بۆ ئێکەمجار ل کوردستانێ دێ فێستیڤاڵا پتاتا ل دهوکێ هێتە گێران.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ دیارکر کو ئەو یێ دەست ب بەرهەڤیان بۆ گێرانا فێستیڤالا پتاتان دکەن و گوت، بۆ ئێکەمجار، دێ فێستڤالا ئێکێ یا پتاتا و بەرهەمێ پتاتان ل ژێر چاڤدێریا پارێزگارێ دهۆکێ ل باژێرێ دهوکێ هێتە گێران و تێدا هەموو جورێن پتات و ئەو بەرهەمێن ژ پتاتا دروست بن هێنە نیشاندان.
زێدەتر گوت، فێستیڤال دێ لرۆژا دوشەمبێ رێکەفتی ٢٠٢٥/١٢/١٥ێ دەمژمێر ١١ سپێدێ ل پارکا دهۆک موڵ هێتە گێران و بۆ دەما سێ روژان دێ یا بەردەوام بیت، دفێستڤالا پتاتان دا جۆرێن بەرهەمێ پتاتان و خارنێن ژڤی بەرهەمی دهێنە دورستکرن و چەندین بەرهەمێن دی یێن خۆمالی دێ هێنە نیشاندان.
ناڤبری دیارکر ژی کو مەرەم ژ فێستیڤالێ فرۆتن و ناساندنا جورێن پتاتان و ل گەل نیشاندنا نویترین تەکنۆلۆژیا رێکێن سەردەمیانە یێن چاندنا بەرهەمێ پتاتان و دیسان پەیداکرنا بازاریە بۆ بەرهەمی ناڤخۆ.
ل هەرێما کوردستانێ سالانە پتری 600 تەنێن پتاتا دهێنە بەرهەمئینان و بەشەکا هەرە زور یا پتاتێن کوردستانێ دچنە ژ دەرڤە، ل سنورێ پارێزگەها دهۆکێ زورترین پتات ل دەڤەرا بەردەڕەش دهێنە بەرهەمئینان.