ئهڤرۆ ب سهرپهرشتیا بپارێزگارێ دهۆكێ، لژنا گهشهپێدان و پشگیریكرنا پڕۆژهیێن پیشهسازی و وهبهرهێنانێ ل پارێزگهها دهۆكێ کومبوو و بریاردا کو 28 پروژێن نوو بهێنە چیکرن.
د كۆمبۆنێ دا، د. عەلی تەتەر، پارێزگارێ دهۆكێ رەزامەندی ل سەر چێکرنا 28 پروژێن نوو دوارێ وەبەرهێنان و پێشەسازی دا و گوت، ئەم جهخت ل سهر بهردهوامییا پڕۆژهیێن خزمهتگۆزاری و پێشڤهچونا كهرتێ پیشهسازی و وهبهرهێنانێ و ئاسانكاری و ڕێكارێن یاسایی و كارگێری بو خۆدان پڕۆژهیان ددەین ب مهرهما بجهـئینانێ و پتر خزمهتكرنا وهلاتیان و د وی چوارچوڤهی دا لدوف ڕێنمایان مە ڕازهمهندی ل سهر جێبهجێكرنا 28 پڕۆژهیین نوو و جۆراجۆر دا.
زێدەتر گوت، 20 ژ وان پڕۆژان د كهرتێ وهبهرهێنانێ دانە و 8 پڕۆژه ژی دوارێ كهرتێ گهشهپێدانا پیشهسازی دا.
ل ڤان سالێن دوماهیێ ل سنورێ پارێزگەها دهۆکێ گرنکیەکا زور ب چێکرنا پروژێن چاندن و گەشتیاری و جوراوجور دهێتەدان بۆ هندێ دەلیڤا کاری بۆ وەلاتیان و خومالیکرنا بەرهەمێ جوتیاران بهێتەکرن.