دەسەڵاتدارانی گومرگی حكوومەتی كاتی سووریا لە دەروازەی سنووریی سێماڵكا، كە تاكە ڕێڕەوی بازرگانی نێوان هەرێمی كوردستان و ڕۆژئاوای كوردستانە، بڕیارێكی نوێیان دژ بە بازرگانان و كۆمپانیاكانی گواستنەوە دەركرد.
بەگوێرەی گشتاندنێكی فەرمی، بڕیار دراوە لە ڕۆژی شەموو یەكی ئایاری 2026 هاوردەكردنی هەموو جۆرە قوماش و ڕستن و چنینێك لەو دەروازەیەوە بەتەواوی ڕابگیرێت.
ئەم بڕیارە كتوپڕەی دیمەشق بێ هیچ ڕوونكردنەوەیەكی پێشوەختە یان ئاشكراكردنی هۆكارە ئابووری و سیاسییەكان دراوە.
ئەمەش شەپۆلێكی نیگەرانی لای بازرگانان دروستكردووە و مەترسی ئەوە هەیە ببێتە هۆی گرانبوونی نرخەكان لە بازاڕەكانی ڕۆژئاوای كوردستاندا.
جێی ئاماژەیە، ئەم هەنگاوە تەنیا 24 سەعات دوای بڕیارێكی هاوشێوە دێت كە تێیدا هاوردەكردنی بەروبوومە كشتوكاڵییەكان "سەوزە و میوە" لە هەمان دەروازەوە قەدەغەكرابوو.