ئاژانسی رۆیتەرز لە زاری بەرپرسێكی باڵاوە ئاشكرای دەكات، توركیا نایەوێ رێككەوتنی بۆڕیی نەوتی كەركووك- جەیهان درێژ بكاتەوە.
ئەمڕۆ سێشەم 16ی حوزەیران، بەرپرسێكی باڵای توركیا كە ناوی ئاشكرا نەكراوە بە
ئاژانسی رۆیتەرزی راگەیاندووە، توركیا نایەوێ رێككەوتنی بۆڕیی نەوتی كەركووك- جەیهان نوێ بكاتەوە كە لە 27ی تەمووزی داهاتوو كۆتایی دێت.
بەرپرسەكە دووپاتی كردووەتەوە، بەگوێرەی ئەو بڕگانەی كە ئێستە لە رێككەوتنەكە هەیە و توركیا بڕیاری كۆتاهاتنی داوە، توركیا نوێی ناكاتەوە، چونكە هیچ سوودێك لە درێژكردنەوەی رێككەوتنەكە نابینێ.
رێككەوتنەكەی توركیا و عێراق تایبەتە بۆ بۆڕیی نەوتی گواستنەوەی نەوتی كەركووك بۆ بەندەری جەیهانی توركیا كە لە سەرەتای حەفتاكانی سەدەی رابردوو واژوو كراوە.