وەزارەتی نەوتی عێراق بڵاوی كردووەتەوە كە لە مانگی ئایاری رابردوودا، ملیارێك و 61 ملیۆن لیتر بەنزین فرۆشراوە و لە هەمان ماوەدا 91 ملیۆن لیتر نەوتی سپی فرۆشراوە.
بەگوێرەی زانیارییەكانی كۆمپانیای دابەشكردنی بەرهەمە
نەوتییەكانی عێراق كە كۆمپانیایەكی فەرمی سەربە وەزارەتی نەوتە، لە مانگی رابردوو "ئایار" ملیارێك و 61 ملیۆن لیتر بەنزین فرۆشراوە و لە هەمان ماوەیشدا 91 ملیۆن لیتر نەوتی سپی فرۆشراوە.
ئامارەكە ئەمڕۆ چوارشەم 17ی حوزەیران بە فەرمی بڵاو كراوەتەوە و ئاماژە بۆ ئەوەیش كراوە، ملیارێك و 697 ملیۆن لیتر گازوایل فرۆشراوە.
سەرەڕای دابەشكردنی ئەو بڕە، تەنگژەیەكی قووڵی بەنزین لە عێراق هەیە و عێراق ناچار بووە دەست بە هاوردەكردنی ستوومەنی بكاتەوە كە ماوەی چەند مانگێك بوو رای گرتبوو، بە پاساوانی ئەوەی پێداویستی ناوخۆ دابین دەكات و پێویستی بە هاوردەكردن نییە.