هونەرمەندی دیاری كورد ماهیر ئەمین، نوێترین بەرهەمی لە رێوڕەسمێكدا لە شارۆچكەی شەقڵاوە بڵاو كردەوە.
بە ئامادەبوونی ژمارەیەك بەرپرس و هونەرمەند و رۆژنامەڤان، هونەرمەندی دیاری كورد ماهیر ئەمین، لە رێوڕەسمێكدا گۆرانیی "رەوشەنێ شەقراوێ" بڵاو كردەوە.
بەرهەمی "رەوشەنێ شەقراوێ" لە تێكستی سەرباز مەجید خۆشناو و لە ئاوازی ئازاد خۆشناوە، لە كەناڵی تایبەتی ماهیر ئەمین لە یوتیوب بڵاو كراوەتەوە.
كاری موزیكی گۆرانییەكە لەلایەن هونەرمەند هێمن حوسێن، تۆماری دەنگی لەلایەن دیار دلاوەر و میكس ماستەرینگی لەلایەن هۆگر عەزیز كراوە. زیرەك ئەمین سەرپەرشتیاری هونەریی بەرهەمەكەیە.
ئاودێر عومەر دەرهێنەری ڤیدیۆ كلیپەكەیە و گرووپی هەڵپەڕكێی كەركووك تێیدا بەشدارە و لەلایەن ناوەندی هونەریی زەنێ بەرهەم هاتووە.