رۆژی سێشەم هونەرمەند حەمە هاشم لە گەلەریی میدیا لە شاری هەولێر، پێشانگەی تایبەتی "یادەوەرییەكانی بەرد" بۆ كارە هونەرییەكانی دەكاتەوە.
هونەرمەندی شێوەكار حەمە هاشم یەكێك لە چالاكترین هونەرمەندەكانی بواری شێوەكاری كوردییە و بەردەوام چالاكیی هەیە، رۆژی سێشەم پێشانگەیەكی تایبەت بەكارەكانی خۆی دەكاتەوە.
پێشانگەكە 21 تا 30 تشرینی یەكەم، سەعات 11ی پێش نیوەڕۆ دەكرێتەوە و ماوەی 10 ڕۆژ دەخایەنێت. رۆژانە لە نۆی بەیانییەوە تا شەشی ئێوارە كراوە دەبێت.
پێشانگەكە بە سەرپەرشتیی بەڕێوەبەرایەتیی گشتیی ڕۆشنبیری و هونەری هەولێر- ب. هونەری شێوەكاری دەكرێتەوە.