ئاینوور دۆغان گەشتە هونەرییەكەی لە ئەمەریكا دەست پێ دەكات و بڕیارە ئەمڕۆ یەكشەم 26ی تشرینی یەكەم، لە لۆس ئەنجلسی ئەمەریكا كۆنسێرتێك پێشكەش بكات.
ئاینوور یەكێك لە دیارترین هونەرمەندەكانی كوردە و ماوەی چەند ساڵێكە شارە و شار، وڵاتە و وڵات دەگەڕێت و گۆرانیی كوردی پێشكەش دەكات.
ئاینوور بە گۆرانیی "ئەز كچا كورد"م ناسراوە، لەم گەشتە هونەرییەی بۆ ئەمەریكا ئەلبوومە نوێیەكەی بەناوی "رابە" پێشكەش دەكات.
بەپێی راگەیەنراوی بەڕێوەبەری كارەكانی ئاینوور، لە گەشتەكەی ئەمەریكا حەوت كۆنسێرت لە حەوت شاری ئەمەریكا بەڕێوە دەبات.
لە راگەیەنراوەكەدا هاتووە، لەم گەشتەدا بۆ ئەمەریكا ئەلبوومی "رابە" بە ئامادەبوونی 20 موزیكژەن پێشكەش دەكرێت.