دوای ماوەیەكی زۆری بێدەنگی و دیارنەمانی، هونەرمەندی گۆرانیبێژ هۆزان دەروێش دەركەوتەوە و گۆرانییەكی فۆلكلۆری بەشێوەیەكی نوێ بڵاو كردەوە.
ساڵانی پێشوو هۆزان دەروێش یەكێك بوو لەو هونەرمەندانەی بەردەوام لە كۆڕ و كۆبوونەوە و هونەرییەكان دەردەكەوت و گۆرانیی دەگوت، بەڵام چەند ساڵێك بوو دەنگ و رەنگی لە هیچ شوێنێكەوە دیار نەبوو.
هونەرمەند هۆزان دەروێش رای گەیاند، گۆرانییەكی فۆلكلۆری بەناوی "پەرێشانم" تۆمار كردووە و كارەكانی گەشتوونەتە قۆناغی كۆتایی و بەمزووانە بڵاو دەبێتەوە.
ئەوەشی گوتووە، ئەم كارەی بەدڵی گوێگرانی گۆرانی كوردی بێت و توانیبێتی كارێكی هونەری بەرز پێشكەش بكات.
ئەم گۆرانییە كە خاوەن ئاوازێكی ڕەسەنی فۆلكلۆرییە و پێشتر هونەرمەندی كۆچكردوو حەسەن زیرەك چڕیویەتی، هۆنراوەكەی لەلایەن حاجی هاشم نانەوازادەوە نووسراوە.