بەڕێوەبەرایەتیی سینەمای هەولێر، چالاكییەكانی سینەما و جەماوەر دەست پێ دەكاتەوە و فیلمی "سیمای خۆڵەمێش" پێشكەش دەكرێت.
سەعات شەشی ئێوارەی ئەمڕۆ فیلمی "سیمای خۆڵەمێش" پێشكەش دەكرێت، فیلمەكە لە نووسین و دەرهێنانی شاخەوان عەبدوڵا و لە نواندنی ناسر حەسەن، ئەنوەر شێخانی، گۆڤار ئەنوەر و محەمەد شێروانی و چەند هونەرمەندێكی ترە.
پڕۆژەی سینەما و جەماوەر، لەلایەن بەڕێوەبەرایەتیی سینەمای هەولێر بەڕێوە دەبرێت، لەلایەن پارێزگای هەولێرەوە پاڵپشتی دەكرێت، ئێوارانی هەموو چوارشەمێك لە یەكێك لە هۆڵەكانی سینەمای ئیمپایەر لە فامیلی مۆڵ، فیلمی كوردی و بیانی پێشكەش دەكرێت و ئامادەبووانی جەماوەر و بینەرانیش بەخۆڕاییە، ئامانجیش لێی برەوپێدانی هونەری سینەمایە لە هەولێر.