لە پەڕەكانی سۆشیال میدیا لە فڕەنسا پارچە ڤیدیۆییەك بڵاو بووەتەوە كە ساتی بەركەوتنی هەورەتریشقەیەكە بە درەختێك لە یەكێك لە دارستانەكانی ئەو وڵاتە و لە ماوەی چەند چركەیەكدا دارەكە بە تەواوی دەكاتە خۆڵەمێش.
بەپێی سۆشیال میدیای فڕەنسا، دارستانەكە كەوتووەتە ناوچەی شارەوانی "ئۆجی" كە دەكەوێتە ویلایەتی نۆڤال ئەكیتی لە رۆژئاوای وڵاتدا.
لە ڤیدیۆكەدا كە زیاتر لە ملیۆنێك و نیو بینەری هەبووە لە ماوەیەكی كەمدا، دەردەكەوێت چۆن هەورەتریشقەیەك دارێكی زەبەلاح لە ماوەیەكی كەمدا دەكات بە خەڵووز.
لای خۆیەوە سەرۆكی شارەوانی "ئۆجی" بە كەناڵی تەلەفزیۆنی "بی ئێف ئێم" رای گەیاند، ڤیدیۆكە بە خێرایی لە تۆڕە كۆمەڵایەتییەكانەوە بڵاو بووەوە، بەڵام خۆشبەختانە هیچ زیانێكی گیانی بەدوای خۆیدا نەهێنا جگە لە چەند زیانێكی مادی بۆ ناوچەكە.
ڤیدیۆكە لێرە ببینە...