كەشناسیی هەرێمی كوردستان رای گەیاند، سبەی ئاسمان نیمچە هەورە و تاوەباران لە ناوچە جیاوازەكانی هەرێمی كوردستان هەیە.
وەزارەتی گواستنەوە و گەیاندنی حكوومەتی هەرێمی كوردستان پێشبینی كەشوهەوای بڵاو كردەوە و رای گەیاند، ئەمڕۆ ئاسمان هەور دەبێت و ئەگەری نمە بارانی پچڕپچڕ هەیە، هەندێك كات لەگەڵ باراندا تێكەڵەی تۆز و خۆڵ و هەورە تریشقە دەبێت.
هەروەها پێشبینی كراوە كە سێ بۆ پێنج ملیمەتر باران ببارێت و تا رۆژی دووشەمی داهاتوو كەشوهەوا بەمشێوەیە بەردەوام دەبێت.
"سبەی ئاسمان بە گشتیی نیمچەهەور و لە ناوچە شاخاویەكان هەوری تەواو دەبێت، ئەگەری تاوەباران لەسەر هەندێك لە ناوچە شاخاویە بەرزەكان هەیە" بەمشێوەیە پێشبینی كەشوهەوا كراوە.