پێگەیەكی ئەلیكترۆنیی راپۆرتێكی لەبارەی تووڕەیی هاووڵاتییانی وڵاتان لەسەر ئاستی عەرەبی و دنیا بڵاو كردووەتەوە، دەركەوتووە عێراق لە ئاستی وڵاتە عەرەبییەكان پلەی یەكەم و لە ئاستی دنیایشدا پلەی دووەمی بەدەست هێناوە.
پێگەی "
شەفەق نیوز" ئەمڕۆ دووشەم 19ی ئایار بڵاوی كردووەتەوە، پێگەیەكی ئەلیكترۆنیی بیانی بەناوی Gallup Global Emotions، راپۆرتێكی لەبارەی "تووڕەیی" هاووڵاتییانی وڵاتان لەسەر ئاستی وڵاتە عەرەبییەكان و وڵاتانی دنیا بەگشتی بڵاو كردووەتەوە، ئەنجامەكەی ئەوەبوو عێراق لە ئاستی وڵاتە عەرەبییەكان پلەی یەكەم و لە ئاستی دنیایشدا پلەی دووەمی بەدەست هێناوە.
ئەو راپۆرتەی رۆشنایی خستووەتە سەر تووڕەیی هاووڵاتییانی وڵاتانی عەرەبی و دنیا، ساڵی 2024ی بە نموونە وەرگرتووە و لیستێكی بە ناوی وڵاتان بڵاو كردووەتەوە، ئاماژەی داوە كە لە تووڕەییدا عێراقییەكان لەسەر ئاستی وڵاتە عەرەبییەكان، پلەی یەكەمیان وەرگرتووە، بەدوایدا لە پلەی دووەم ئوردن، پلەی سێیەم لیبیا، چوارەم تونس و مەغریب پێنجەم و لبنان شەشەم و ئیماراتیش لە پلەی حەوتەمدا هاتووە.
لەسەر ئاستی دنیایش راپۆرتەكە ئاماژەی داوە، قبرس لە تووڕەییدا بە پلەی یەكەم دێت، بەدوایدا عێراق پلەی دووەم وەردەگرێت، دوای ئەوەیش ئەرمینیا پلەی سێیەم و ئوردن پلەی چوارەم و كۆنگۆ لە پلەی پێنجەمدا دێت.
ئەو وڵاتانەی كەوتوونەتە ژمارە كۆتاكانی لیستەكە كە ئاستی تووڕەییان زۆر كەمترە لەوانەی لە سەرووی لیستەكەدان، ئاماژە بە ڤێتنام، فینلەند، ئیستونیا، پورتوگال و مەكسیك كراوە كە زۆر بەكەمی تووڕە دەبن.