لە عێراق دۆزینەوەی گەورەترین گای باڵدار كە مێژووەكەی بۆ شارستانیی ئاشووری دەگەڕێتەوە دۆزرایەوە.
وەزیری رۆشنبیری عێراق رای گەیاند، لە كنە و پشكنینی تیمی شوێنەواری عێراقی و ئەڵمانی لە ناوچەی شوێنەواریی گردی نەبی یونس لە مووسڵ، گا باڵدارەكە لە دەروازەی سەرەكیی كۆشكی پاشای ئاشووری ئیسار حەدۆن دەڕازێنێتەوە.
ئەحمەد فەكاك بەدرانی وەزیری رۆشنبیری عێراق رای گەیاند: ئەو گا باڵدارە بەهایەكی گەورەی مێژوویی و شوێنەوارییە بۆ عێراق.
ئاماژەی بەوە كردووە، لە كاتی هەڵكەندنی شوێنەوارەكە، گای تری باڵدار بە قەبارەی بچووكتر دۆزراوەتەوە، كە ئاستی بەرفروانی هۆڵی عەرشی دەوڵەتی ئاشووری دەردەخات و بەشێكی گرنگی مێژووی عێراقە.
كۆشكی فەرمانڕەوای ئاشوورییەكان، چەندان هۆڵ و راڕەو لە خۆ دەگرێت كە بە پەیكەری گەورە رازێنراونەتەوە، دوو گای باڵداری گەورە لە دەروازە سەرەكییەكانی كۆشك دانراون.