دوای چوار مانگ لە ونبوونی، ئێوارەی دوێنێ تەرمی شیلان لە كەنەدا دۆزرایەوە، تا ئێستەیش هۆكاری كوژرانەكەی نەزانراوە.
ئێوارەی دوێنێ پۆلیسی كەنەدا مردنی شیلان راگەیاند كە جەستەكەی بەمردوویی دۆزراوەتەوە، داواكارن كەسوكاری بێنە سەر خەت تا تەرمەكەی بگەڕێننەوە بۆ رۆژهەڵاتی كورستان.
پۆلیس بەهیچ شێوەیەك هۆكاری مردنەكەی ئاشكرا نەكردووە، بەڵام رەنگە قوربانی ژێر ئەو گرووپ مافیایانەی لەو وڵاتانەدا هەن، ئەگەر كاریان لەگەڵ نەكەن دەیانكوژن.
پۆلیس شوێن و كاتی دۆزینەوەی تەرمەكەی ئاشكرا نەكردووە، بەڵام ئەوەیان راگەیاندووە كە لە لێكۆڵینەوەكاندا دەركەوتووە، دەستدرێژیی سێكسی بۆ سەر ئەو كچە نەكراوە وەك پاڵنەرێكی كوشتن.
شیلان شەهبازیان 26 ساڵ بوو، رووخسارێكی زۆر جوانی هەبوو، لە سەنتەرێكی جوانكاری كاری دەكرد كە ماوەی دوو ساڵ بوو لە هەرێمی ئۆنتاریۆ وەك پەنابەر دەژیا.