دچارچوڤێ پروژێ بهارا خێرا یا لقێ ئێکێ پارتی ل دهۆکێ، گەنجەکێ ئێزدی هاریکاریێن مادی لسەر 100 خێزانێن موسلمان دابەشکرن.
مستەفا عۆمەر، بەرپرسێ لژنا ناوچا پارتی ل فەیدیێ بۆ وشە گوت، دچارچوڤێ بەرنامە و پرۆژێ بهارا خێرا کو ژلایێ لقێ ئێکێ پارتی بۆ هەیڤا رەمەزانا پیرۆز راگەهاندیە، ئەڤرۆ ژی بۆ 100 خێزانێن موسلمان یێن هەژار و کێمدەرامەت کوژمەکێ پارەی هاتەدان داکو پێدڤیێن خو یێن رەمەزان و جەژنێ دابین بکەن.
زێدەتر گوت، ئەڤ کۆژمێ پارەیی ژلایێ گەنجەکێ ئێزدی هاتیە دابینکرن، وەکو نمونەکا پێکڤە ژیانا ئاینی ل دەڤەرێ.
ناڤبری دیارکر ژی کو چو جوداهی دناڤبەرا موسلمان و ئێزدی و ئاینێن دی ل دەڤەرێ نینە و گوتژی، ئەم هەمو ل سەر ئاخا کوردستانێ دژین، دڤێت پێکڤە ژی هەڤکاریا هەڤدو بکەین، بەری نوکە خێزانێن مۆسلمان هاریکاریا خەلکێ ئێزدی کریە، ئەڤرۆ ژی ئەڤ گەنجەی هاریکاری بۆ موسلمانان کر.
فەیدیی ئێک ژ ناحیێن سەر ب قەزا سێمێلێ یە و پتری 30 هزار کەس تێدا دژین، کورد و عەرەب و ئێزدی و کرێستیان تێدا هەنە.