دۆخی دارایی و بژێوی عێراقییەكان باش نییە، عێراق وڵاتێكی دەوڵەمەندە بە نەوت، بەڵام بەهۆی گەندەڵی و خراپیی ئیدارەدانەوە، پارە و سامانەكەی ناگات بە خەڵك، ئەوەش وای كردووە دەیان كێشەی كۆمەڵایەتی سەر هەڵبدەن، خەڵك بەهۆی هەژاری و بێكارییەوە بكەوێتە داوی مادەی هۆشبەر و باندەكانی تاوان و هیتریش، لە بەغدا سێ تاوانبار گیران، ئەوان دەستدرێژییان كردبووە سەر كچە سوااڵكەرێك و كوشتوویانە.
بەپێی
بەیاننامەیەكی بەڕێوەبەرایەتیی نەهێشتنی تاوانی ناوچەی حەبیبییەی بەغدا، تیمەكانیان توانویانە سێ تۆمەتباری خاوەن پێشینەی تاوان بە دزی و داواكراو بە مادەی 444 تاوانەكان بگرن، لە ناوچەیەكی بەغدا دەستدرێژییان كردووەتە سەر كچە سواڵكەرێك و كوشتوویانە.
بەپێی بەیاننامەكە ئەو سێ تاوانبارە لە ماڵێك لە گەڕەكی شیشان گیراون، ئەوان ددانیان بەوەدا ناوە كە دەستدرێژی سێكسییان كردووەتە سەر كچەكە و دوای ئەوە كوشتوویانە، روواوەكە بەر لە سێ مانگ لە ناوچەی شاعوورە رووی داوە.
لە لایەكیتر و لەگەڵ نزیكبوونەوەی جەژنی رەمەزان و ئامادەسازیی خەڵك بۆ جەژن و كڕینی پێویستییەكانی، چەندان باندی دزی لە بازاڕەكان دروست بوون، بەتایبەتی ژنانە، ئەوان بە دوای دزینی پارە و زێڕی ژنانن، لەوانە فەرماندەیی پۆلیسی كەركووك گرتنی شەش ژنی تۆمەتبار بە دزی لە بازاڕ لە ماوەی دوو رۆژدا راگەیاند، خاوەن دوكانەكان ئاماژە دەكەن كە دزییەكە تەنیا لە خەڵك ناكرێت، بەڵكو دزی لە خاوەن دوكانەكانیش دەكەن.