وەلاتیەکی دهۆکێ، پشتی هەڤژینا وی وەغەرکری، دەست ب چێکرنا داینگەهەکێ کریە بناڤێ هەڤژینا خۆ، بێ بەرامبەر دێ خزمەتا زاروکێن هەژار و کێمدەرامەتان کەت.
موسەدق توڤی، ئەو وەلاتیە بۆ وشە گوت، پشتی کو هەڤژینا من وەغەرکری، هندەک پارە وەکو میرات بۆ وێ ژ بابێ وێ مان، لەوا ل سەر وەسیەتا وێ، من بریار دا کو داینگەهەکا خێرخوازی بناڤێ وێ ڤەکەم.
زێدەتر گوت، نوکە مە دەست ب چێکرنا داینگەهێ کریە ل گەرەکا زرکا ل دهۆکێ و دەمەکێ نێزیک دێ داوی هێت و رادەستی رێڤەبەریا چاڤدێریا جڤاکی کەین ل دهۆکێ بۆ هندێ بکەت د خزمەتا خەلکێ هەژار و کێمدەرامەت دا.
ناڤبری دیارکر ژی کۆ 27 سالا ئەو ل گەل هەڤژینا خۆ ب ئەڤین و ڤیان و رێزگرتن ژیایە و چ ئاریشە دناڤبەرا وان دا دروست نەبوینە و گوت ژی، دوو سالان هەڤژینا من زور نەخوش بوو، هەردوو سالان ب شەڤ و روژ ب دەستێن خۆ من خزمەتا هەڤژینا خۆ دکر، دەمێ وەغەر ژی کری ئەز زور بۆ خەمباربوم، پشتی وەغەرکرنا وێ من دڤێت هەڤژینەکێ باش بم و کارێن خێرێ بو بکەم.
دهێتە زانین ئەو داینگەها ناڤبری دێ چێکەت دێ لسەر روبەرێ تری 2000م2 و کوژمێ پتری 22 هزار دوڵار دێ لێ هێنە مەزاختن.